السلام عليكم ورحمة الله وبركاته
هذا هو اول موضوع بالمنتدى ونبدأ على بركة الله
وقد اخترت هذا الموضوع تحديدا من مواضيعى للبداية بغرض النصح والارشاد والتحذير رغم اننى قد كتبته ف عدة اماكن او منتديات اخرى صديقة ويحمل نفس توقيعى ايضا real fighter
ولكن لا ضير فى هذا بحيث ان الغاية واحدة الا وهى نشر المعلومة والتحذير
اولا حبيت اكتب الموضوع ده لان فى الفترة الاخيرة لاحظت انتشار هذا النوع من السلاح وقد اشكل على البعض مدى خطورته !!!!
فحبيت احط الموضوع لعل وعسى يكون مرجع او به معلومة او فائدة لكل من اشكل عليه هذا
- الفرد الخرطوش اللى موجود فى مصر معظمه اذا مش كله صناعة محلى فبالتالى اول مشكله فيه انه مش هيكون مرخص باى حال من الاحوال وده لاسباب كتير منطقية واهمها انه هيكون خالى من اى عنصر امان ببساطه كده لانه مصنوع بالبركة من غير مقايسة !! ولا مواصفات ولا تصاريح ولا اى حاجة خااااااااالص
وبما انه من غير مقايسة او مواصفات موحده وفى ييجى الاف وشوية بيصنعوه يعنى هتلاقى الفرد اللى ف السوق(السوده) بميت شكل وخامات مختلفه اللى من خامات معقوله وقد يراه البعض امن بحيث انه كمان مصنوع بحرفية عالية وما ننكرش ان عندنا فى مصر ناس مبتكرين ومحترفين فى هذا المجال
لكن هنا هتكون الخطورة فى عدم وجود امان بالمرة لان اللى بيصنعه بيعتمد على مدى ادراك المستخدم والمامه بهذا السلاح يعنى نقدر نقول مصنوع لشريحة معينة من الناس عندهم الحذر والدراية الكافية للتعامل مع هذا السلاح ولكن ده ما يمنعش ان حتى الشريحة دى احيانا بيحصلهم اصابات كمان لان اى حد فينا ممكن يسهو او ينسى ولو حتى مرة وهنا هيكون السهو او الخطأ مكلف !!!!!
ده بالاضافة لبعض القصور فى تصميم هذا السلاح مثل قصر طول الماسورة اللى هتخلى مجموعة البلى هتفرش على ارتفاع قريب جدا من الفرد يعنى ممكن تصيب اى حد قريب من المحيطين بالشخص اللى هيستعمله وخاصة اذا بيضرب ف فرح او اى مكان زحمه ده عيب او انذار خطر ويجب الحذر منه
والانذار التانى ان ممكن يكون فرد من خامات كويسة بس مافيش اى مسافة فاصلة بين الابرة والشاكوش(الطارق) يعنى بتضرب اول خرطوشة واذا هتضرب التانيه اذا نسيت ترجع الشاكوش قبل ما تعمر الخرطوشة التانيه كده شكرا لان بمجرد انك تقفل الفرد هتحتك الابرة بكبسولة الخرطوشة وهتنطلق تلقائى بشكل مباغت
وهنا الفرد نفسه هينطلق بالاتجاه المعاكس لشدة رد الفعل بالاضافة لجملة من المصابين اللى هتصيبهم الخرطوشة ده بعد ما تدمر ايد اللى بيستخدمه!!!!
وانا هنا بقصد نوع معين مر على واعتبرته من احسن الانواع اللى مرت على من حيث الشكل والحجم والخامات والنوع ده منتشر فى الصعيد ولكن فيه العيب الخطير اللى انا ذكرته طيب ده بالنسبة لنوع جيد مصنوع على ايد بعض المحترفين بالصعيد...
طيب بالنسبة للانواع الرديئة اللى مصنوعه على ايد ناس اقل خبرة ومن خامات رديئة ومواسير ميه ومش عارف ايه !!!!
يعنى انواع مصنوعة بغرض تجارى بحت باقل اقل التكلفة واردأ الخامات وعلى ايد اشخاص اقل حرفيه
والنوعيات دى هى اللى انتشرت اكتر فى مصر الفترة الاخيرة وخاصة بعد الثورة
طيب مع النوعيات دى هيكون مدى الخطورة ايــــــــــــــه؟!!
خلينا نقول شوية حجات من اللى ممكن تحصل وليس على سبيل الحصر
هتحصل زى ان الماسورة ممكن تنفجر ولك ان تتوقع حجم الخسارة ليك وللشخص القريب منك ولو حظك كويس والماسورة صمدت لعدة طلقات ممكن -يحصل ارتداد نارى ناتج عن تسرب الغاز للخلف وده بيكون بسبب عيوب فنية من المصنع مع ردائة الخامات وعدم تطبيق المقاسات بدقة واكيد هنا كمان هيحصلك اصابة!!
طيب لو قلنا ان فى افضل الظروف عرفنا نلاقى فرد تمام خامات كويسة وباقل عيوب هقولك بردو انه هيكون من غير امان بالاضافة لرد الفعل القوى اللى غالبا ما ينتج عنه اصابات وخاصة فى حال استخدام خرطوش مستورد وياحبذا لو بتستخدم خرطوش نسبة البارود فيه 28 جرين فيما فوق !!!!
وخطورة رد الفعل هنا بتكمن فى ان السلاح بيكون مصنوع بدون اى حسابات لتوزيع رد الفعل وهنا رد الفعل كله بيرتكز على نقطة واحدة وفى حال استخدام خرطوش قوى بيؤدى رد الفعل لاصابة قبضة اليد ما بين السبابة والابهام والجرح هنا مش هيكون سهل ابدا
واخيرا اسف على الاطالة ولكن بالفعل هذه بعض العيوب الموجوده بالفرد الخرطوش على سبيل المثال وليس على سبيل الحصر
والموضوع مفتوح للنقاش او اى اسئلة
ملحوظة اخيرة
لو فرضنا ان الفرد الخرطوش كويس وخالى من اى عيوب وبيه امان كمان!!!!
لكن هيفضل مجرم قانونيا ولا يمكن ترخيصة !!!!!
موضوع: الفرد الخرطوش 
الخميس يناير 17, 2013 12:47 pm
