السلام عليكم ورحمة الله وبركاته
انهارده هتكلم على طلقات الخرطوش عشان فى ناس بتسأل عن شوية تفاصيل كده فقلت خلينا نعمل بيها موضوع يكون فيه اجابة على اسئلة الناس وباذن الله نقدر نفيد بيه بقدر المستطاع وخاصة المبتدئين
فى الاول عايز اقول ان طلقات الخرطوش اتصممت واتصنعت اساسا للصيد مش لاى غرض تانى ولذلك هنلاقى ان المقذوف من طلقة خرطوش واحدة عبارة عن مجموعة بلى مش مقذوف واحد وبيتوقف حجم البلي وكمية البارود كمان على حسب نوع الطريدة وحجمها وطبعا كلما زاد حجم البلى فى الخرطوشة كلما قل عدد البلى
طيب انا حاسس ان فى حد عايز يسأل ويقول وضح اكتر هقله اوك بس الاول خلينا نعرف الخرطوشة بتتكون من ايه؟
ببساطة وعشان الناس تفهم
الخرطوشة زى اى زخيرة لسلاح نارى يعنى لازم هتكون بتتكون من 4 مكونات او اجزاء رئيسة ظرف ومظروف (مقذوف يعنى) وبارود وبريمر (كبسولة)
مع شوية فروقات عندنا الخرطوشة عبارة عن وعاء بلاستك وهو ما يعادل الظرف فى الزخيرة الحية الاخرى وكعب للطلقة وبيكون عبارة عن قطعة معدنية بمثابة وعاء اخر للخرطوشة وبيحتوى هذا الكعب على البريمر او الصاعق او الكبسولة وبيلى الكبسولة من الداخل البارود وبيلى البارود من الداخل ايه ؟!!!
حد يقلى المقذوف زى الطلقة الحية هقله تمام بس هنا المقذوف هيكون عبارة عن مجموعة بلى احجامها وعددها بيختلف من خرطوشة لاخرى !!!!
طيب حد يقلى ودى نعرفها ازاااااااى ؟ ارد عليه واقله هجاوبك بس ما تستعجلش
المهم ان هنا مجموعة البلى بتكون متجمعة فى حاوية تانية بلاستك بحيث انها تستقبل الغاز المتولد عن انفجار البارود وتنطلق مع البلى كمجموعة واحدة الى فوهة الماسورة وهنا بينتشر البلى بعد انطلاقة من الفوهة والحاوية دى بيتقال هليها كاس او حشوة او فنجان
طيب نرجع تانى لموضوعنا عشان ما نسرحش بعيد الصورة الجاية بتوضح شكل الخرطوشة وتكوينها
طيب واحد يقلى بس انا شفت خرطوش كتير والجزء المعدن اللى بتقول عليه اللى بيكون فيه كعب الخرطوشة مرات يكون طويل ومرات يكون قصير هقله ايوه عارف اكيد بتقصد زى اللى فى الصورة دى
يرد على ماشى عرفنا انك عارف طب عرفنا بقى لييييييييييييه؟ بيكون فى منها طويل وقصير مع ان الخرطوشتين نفس العيار ؟!!!!!
هقله يا عمنا الجزء ده بالذات بيختلف طولة حسب كمية البارود ثم حسب نوعه
ايوه يا عم ما تستغربش ما احنا قلنا ان الخرطوش ده اساسا للصيد مش لحاجة تانية وبيختلف مقاسات المقذوف وكمية البارود حسب نوع الطريدة اللى هتصطادها
والصورة اللى جاية هتبينلك احجام البلى اللى بيكون موجود فى الخرطوش كمان
يرجع صاحبنا تانى ويقلى طيب وانا اعرف ازاى كمية البارود وحجم البلية ؟؟؟ افتح الخرطوشة يعنى ولا اعمل ايه؟!!
ارد عليه واقله لا يا ريس حضرتك الخرطوشة بيكون مكتوب عليها مقاس البلية مقاس 1 ولا 2 ولا 9 ولا 8 ولا زى ما تكون
هيكون مقاسها مكتوب عليها ومن هنا تعرف حجم البلية اللى هتناسبك وتصطاد بيها
وللعلم كل ما زاد الرقم كل ما قل حجم البلية وراجع الصورة السابقة تانى عشان تأكد على المعلومة
يرجع يقلى طيب ما عرفناش بقى بالنسبة للبارود نعرف ازاى الخرطوشة دى فيها 30 جرام ولا 28 ولا 32 ولا 35 ولا 36 ولا 40 ولا
ارد على صاحبنا واقوله ايه يا عم انت اسكت ما تكملش حلوة قوى كل الارقام اللى انت قلتها دى لكن بلاش الله يكرمك كلمة جرام
واسأل انا هنا واقله هو انت فاهم انك هتعمر بندقيتك بخرطوشة فيها 28 جرام بارود فيما فوق وهتضرب وهتفضل سليم انت والبندقية بتاعتك؟!!!!!!!!!!!!
اقلك يا معلم انسى قصة جرام دى والارقام اللى انت قلتها دى كلها تمام وبتكون مكتوبة على الخرطوشة بس بيكون مقصود بيها الجرين ودى وحدة قياس اوزان بتستخدم لقياس اوزان البارود الرصاص
واحد يقلى ايه ده والرصاص كمان يعنى بيستعملوها لقياس اوزان الرش الرصاص ؟
اقله الله يفتح عليك يا معلم بس ده مش موضوعنا
يقلى خلاص يا عم بس قلنا الجرين ده بيساوى كاااااااااام؟
ماشى يا عم
1 جرين =0.06479 جرام
يعنى حضرتك لو خرطوشة بضغط 28 هيكون فيها
28x.06479=1.814 جرام
وهكذا عشان تعرف كمية البارود تضرب قيمة الجرين فى الرقم اللى مكتوب على الخرطوشة ويرمز له g اوgr
الجرين يعنى مش الجرام تمام كده يا معلم
يرد صاحبنا ويقلى تمام بس يعنى كنت عايز اسأل يا بشمهندس بالنسبة للضغط اللى هو يعنى كمية البارود اختار حاجة حلوة كده وتكون شديدة يعنى عشان نجيب من الاخر؟؟
ارد واقله لا يا عم الذكى لازم تراعى الضغط المناسب لسلاحك كمان عشان تحافظ عليه وما تضرش نفسك
يقلى طب وانا اعرف ازاى القصة دى يعنى ؟؟
اقله انت خنقتنى على فكرة لان حضرتك البندقية بيكون مكتوب عليها او على الاقل الكتالوج بتاعها ايه الضغط المناسب ليها
تم والحمد لله
ويارب يكون الموضوع مفيد واللى عنده اسئلة بجد اهلا وسهلا انا تحت امركم
والسلام عليكم