السلام عليكم ورحمة الله وبركاته
الموضوع يا جماعة بخصوص مسدسات يوماركس umarex بالضبط كده زى ما انا كتبتها بالعربى او بالانجلش بتتنطق يوماركس واكيد الشركة دى كلنا عارفينها كان ليها منتجات بتتسوق فى مصر زمان ولحد الفترة الاخيرة كان فى منها طلقات يوماركس الالمانى الشهيرة ودلوقت البركة فى التركى والصينى اللى غرقوا الدنيا عشان ما اطولش عليكم الشركة بتنتج منتجات كتير بخصوص الصيد والرماية وحتى محدثات الصوت
وهنا هنتوقف عند منتجات الشركة من محدثات الصوت لانها بتنتج مسدسات صوت جامدة وبعض موديلاتها تقليد الحى بدرجة عالية جدا نفس الشكل والابعاد وكل شىء وحتى الاسم
افتكر مرة كان مر على قبل كده حد بيسأل عن مسدس هكلر صوت وكان حد رد عليه وقاله يا استاذ مافيش اى مسدس هكلر صوت
وكان كل واحد فيهم مصر على رأيه وبصراحه هو الاتنين صح لان شركة هكلر ما بتنتجش صوت اللى بينتج المسدس ده شركة يوماركس ولكن بيكون مكتوب عليه هكلر ولو شفت المسدس والفنش بتاعه هيكون صعب عليك تفرق بين الحى والصوت من اول تظره ده بغض النظر عن الشخشانات اللى موجوده فى الحى ومش موجوده فى الصوت وعن عرض الخزنه لكن حتى كعب الخزنة فى الصوت من انتاج يوماركس بيكون متظبط بمقاس مقارب الى حد كبير من مقاس المسدس الحى
بردو انا سرحت واتكلمت كتير طيب ندخل فى اول قطعة من منتجات يوماركس وهى
براونينج جى بى دى ايه 9 Browning GPDA 9
ودى صورة المسدس
المواصفات العامة للمسدس
- العيار 9mm p a k
- سعة الخزنة 9
- الطول الكلى 194mm
- طول الماسورة 124mm
- الوزن 800g
- العمل double action
وده المسدس البراونينج الوحيد الصوت من انتاج شركة يوماركس
ندخل على القطعة التانية وهى تقليد مسدس كولت
كولت دبل ايجل colt double eagle combat commander
ودى صورة المسدس
المواصفات العامة للمسدس
- العيار 9mm p a k
- سعة الخزنة 8
- الطول الكلى 190mm
- طول الماسورة 94mm
- الوزن 1000g
- العمل double action دبل اكشن
والقطعة التالتة كمان كولت جفرمنت 1911A1
Colt Government 1911A1
ودى صورة المسدس
المواصفات العامة للمسدس
- العيار 9mm p a k
- سعة الخزنة 8
- الطول الكلى 220mm
- طول الماسورة 128mm
- الوزن 1000g
- العمل single action
انتظرونا فى الجزء التانى يارب الموضوع يعجبكم
موضوع: مسدسات يوماركس الجزء الاول 
الأحد فبراير 24, 2013 3:00 pm
